Al disisette de genar l’è sant’Antoni abate, quel dal porzèl

17 gennaio: Giornata nazionale del Dialetto e delle Lingue locali ma anche giorno di Sant’Antonio. Ci spiega la sua sua storia Gabriella Bonvecchio Beber, della Pro Loco di Pergine.

Al disisette de genar l’è sant’Antoni abate, quel dal porzèl.

L’è vegnù al mondo en Egitto entòr el dosento e zinquanta e lìè mort a zento e sei ani en del trezento e zinquantasei.

Restà orfanèl za da matelàt, el sa dat a la vita solagna, prima en del desert, po’ su le rive del Mar Rosso, sempre ensema però ai so animaloti da cort e da stala.

Anca atri omeni i à volèst copiar la so maniera de viver, cossita elo, sant’Antoni, l’à mess en pè el prim s-ciap dei “monaci” e lu l’era el capo e el maestro.

Dato che el se entendeva de erbe medizinali, el preparava onti e beveroni per chi che lo zercava per guarir for da le magagne. Pensà che l’è sta bon de trovar en gran rimedi contra i dolori de quel mal che ancor adess ciaman “foch de Sant’Antoni” (herpes zoster doloroso).

La devozion popolare el lo ritièn el protetor dei animali da cort e da stale e l’è per questo che sui “santini” el vèn tolt zo col rugantel, la vaca, l’asen, galine e cunei.

L’è el Sant protetor de i Masetti, frazion perzenaitra endò che i masettaroi ogni an i prepara ‘na gran sagra con funzion religiose e spetacoi de valor.